Anunciamos a nosa marcha pola non violencia e a paz

O vindeiro luns 30 de xaneiro realizaremos unha marcha pola non violencia e a paz. 

O percorrido será o seguinte: sairemos por Campos e baixaremos ata a Igrexa, logo continuaremos pola avenida de Portugal e subiremos de volta ao cole por Meloxo.

Para esta marcha fixemos un obradoiro de estampación de camisetas (grazas a unha mamá de dous nenos do cole), así que esperamos que veñades a vernos e que vos guste moito!

 

Mateo, Súper Saudable

Déixovos por aquí unha foto de Mateo, o noso primeiro súper saudable. 

Parabéns por completar o Fruitómetro!

 

Xogade- Campo a través

O pasado 11 de xaneiro asistimos a unha xornada de Xogade na que participabamos en campo a través. 

Pasámolo moi ben e sobre todo animámonos moito os uns aos outros

https://youtu.be/Jny0jtt6uLY

 

Coreografía Entroido 2023

A actividade física está presente no noso día de maneira interdisciplinar. Desde a área de música o alumnado de 6º curso creou a coreografía da canción relacionada co PDI do cole para que o resto do alumnado poida bailar o día de Entroido.

Esperamos que vos guste e que poidades practicar moito!

 

3 de Decembro- Día Internacional das persoas con discapacidade

O día 3 de decembro celebramos no cole o Día Internacional das persoas con discapacidade. Tivemos a sorte de contar coa asociación Anduriña do Grove e aproveitamos para facer unha sesión de actividade física para celebrar dita conmemoración.

 https://youtu.be/o1rYtR5eibQ

FRUITÓMETRO

Dende a área de Educación Física, en conxunto coas titorías, lévase a cabo un "Fruitómetro" para fomentar o consumo de froita entre o alumnado e aproveitando así para levar a cabo un cálculo do mesmo.

 

De esta forma, traballamos de xeito integral alcanzando as distintas competencias clave.

 

Ioga nas titorías

Segundo autores como Molinero (2010), "desactivar" e relaxar ao alumnado facilita o descanso do sistema nervioso permitindo un maior control sobre o mesmo.

Por iso son tan importantes estas sesións de ioga na que nos relaxamos e divertimos tanto.

 

As merendas dos máis pequenos

Deixamos unha pequena mostra das merendas dalgunhas das nenas e nenos do cole... que rico!

 

Merendas saudables

A nova lei educativa incorpora no obxectivo k, aquel que garda relación coa Educación Física, a alimentación, que xunto co deporte son os medios para favorecer o desenvolvemento persoal e social.

Por iso, desde o centro, faise unha recomendación ás familias de merendas saudables para favorecer a bos hábitos de alimentación.

 

Benvidos a Conmeniño saudable!

 Ola conmeniños e conmeniñas:

Tal e como enmarca o terceiro obxectivo da Axenda 2030 "Garantizar unha vida sa e promover o benestar para todos en todas as idades" así como as demais leis actuais, o centro educativo debe levar a cabo o fomento de boas prácticas de actividade física e hábitos saudables.

A partir de agora, neste blogue publicaranse todas aquelas actuacións enmarcadas no noso Proxecto Deportivo de Centro, tanto as que se leven a cabo dentro do horario lectivo como aquelas que se realicen fóra.