Himno das Olimpiadas de Conmeniño

Aquí vos deixo o himno de Conmeniño Olímpico, gravado polo alumnado de 6º curso para que o resto de alumnas e alumnos do centro puidese practicar nas súas aulas.

As nosas emocións- Raquel Pedrouso

 E continuando coas emocións, tamén tivemos a sorte de ter con nós a Raquel Pedrouso, para falar cos nenos e as nenas sobre a saúde e a importancia de benestar emocional. 

Raquel foi moi empática cos nosos nen@s e deunos moitos consellos para seguir traballando en materia de saúde mental e benestar emocional. 

Grazas Raquel!!

Emocióna-T: Elvira Romay

 As emocións son moi importantes na nosa vida, porque reflexan o noso mundo interno e o que interpretamos do que sucede ao noso arredor. Por iso, como aspecto importante da nosa saúde, tivemos con nós a Elvira Romay, que nos explicou como funciona o noso cerebro para que puidésemos entender un pouquiño mellor como nos sentimos en cada momento.

Elvira é terapeuta, pero tamén e mamá de Lucas, da clase de 3º curso. Por iso, queremos agradecerlle, unha vez máis, poder contar con ela en talleres tan importantes sobre a saúde das nenas e dos nenos.

Plan Director: charla sobre acoso escolar e ciberacoso

 O alumnado de 5º e 6º de Educación Primaria recibiu unha charla da Garda Civil sobre acoso escolar e os perigos das redes sociais, porque a saúde tamén é seguridade e benestar social.

Optometrista- saúde- benestar

 O día de hoxe tivemos a sorte de ter no noso cole a Ana, optometrista, que nos explicou a importancia de coidar a nosa vista e protexela das pantallas. 

Moitas gracias pola túa profesionalidade, Ana!

Coñece o meu club- Boxeo

 Tendo en conta o noso proxecto do cole, Conmeniño Olímpico, e que o boxeo é unha modalidade olímpica, tivemos a sorte de ter con nós a Lucía Soto, do grupo de Kick Boxing de Poio, para os grupos de 5 anos, 1º, 2º e 3º de Educación Primaria. Lucía foi moi cercana con nós e ensinounos moitas cousas sobre o boxeo, prestounos os seus guantes e puidemos practicar moitos xogos!

Por último, agasallounos a todas e a todos con estas preciosas pulseiras!

Moitas gracias pola túa colaboración e a túa dedicación Lucía, foi un pracer compartir esta xornada contigo!

Ligas internas

 En relación co Proxecto de Centro, Conmeniño Olímpico, xuntos cara a meta, durante o 2º Trimestre levouse a cabo un torneo de fútbol nos recreos. Este, foi elaborado na súa totalidade polo alumnado de 5º curso, na materia de Proxecto Competencial. 

En primeiro lugar prepararon os carteles cos que publicitaron o torneo e escribiron unha carta a todo o alumnado para invitalos a participar. 

(Federación Colexial de Fútbol de Conmeniño, foi o nome escollido para o torneo)

Logo, chegou o momento oficial de solicitar permiso á dirección do centro para realizar os torneos nos recreos, tendo que solicitar tamén o pavillón se fose necesario, debido a climatoloxía. Tiveron que solicitar tamén a arbitraxe.

E por último, formar os equipos e poñer as datas.

Agora vos deixo un conxunto de fotos do impacto que tivo no centro este torneo, donde todo o alumnado acudía a ver os partidos dos seus compañeiros e compañeiras! Foi todo un éxito!